睇左盜墓迷城3一片, 睇完既感覺係....."搞成咁...../搞咩呀?" 咁...=.=" 意想不到的有d失望...   
anyway 都講番movie先....
故事發生已經去到原故事主人翁 Rick O'Connell(Brendan Fraser飾)已經同佢老婆洗手不幹, 不再作探險考古之事, 一開首就講述他倆各自既退休般生活...(其實開首套戲表達得輕鬆, 睇落都ok唔錯...) 咁另外就講到, 0係上集既兒子已經成人啦...(不過選人方面就真係怪, 原頭2集飾演Mrs. O'Connell既Rachel Weisz因為冇記錯既話係要生仔所以就冇演第3集下, 而家新飾演既Maria Bello真係睇唔慣外, 做仔既.....反而同果老豆似2兄弟多過父子.....) 而今次既故事亦0係佢果仔發掘出中國王陵下而帶出來的............

一個編排既陷阱, 令到由Jet Li飾演既古代霸王, 再一次翻生.....不過有d奇怪...明明之前被咀咒封印既形態同被發現時的有所不同.....不過兵馬桶排場算大堆頭啦....亦都係咁... Rick O'Connell 兩公婆亦好理所當然要打mummy...情況同之前既埃及mummy一樣, 只是今之以中國為主題, 不過總覺得mummy始終0係西方叫法, 不太合中國呢~

~ 所以呢今次背景多左中國色彩, 雖然呢果0係搭景 ~

(我就覺得太兒戲啦, 好似套套要上海景都係咁....=.=")

0係今次既mummy大戰中, 好多時主角們都會比mummy先到達目的地, 務求阻止霸王既真正復活.....不過....每次都唔成功...而且d劇情開始大堆頭....先黎玩 雪怪 幫手打霸王, 不過懂得法術般既霸王可利用五行黎對抗....呢度已經開始帶左入神神怪怪.......(有像魔界/哈利波特既怪獸,) 另0係呢度既一戰, O'Connell更為救仔中了一下致命既攻擊.....(跟住就同indiana jones第3集咁, indy帶佢dad去一處聖地救番佢既生命..........=.=" 睇到我 : "唔係化")

(兩父子......點睇都唔多似...=.=")

真正復活既霸王, 召回他的軍隊, 企圖佔領全世界......跟住就好....=.=" (1. 先黎楊紫瓊飾演的人物...於古時以梵文念咒封印霸王, 而家就以同一經文但以英語解放冤魂, 得以起一班骷髏骨兵與霸王對抗(咁似魔界3 or 加勒比海盜既~~!!) 2. O'Connell 2公婆被兵馬桶圍攻時....2個冇啦啦Mr. & Mrs Smiths上身, 只是現在一個使用劍另一個繼續使用槍 3. 黃秋生既將軍角色, 本身戲中只講國語, 但臨尾就講英文 4. 梁樂施就同楊紫瓊既對白, 明明叫"母親", 臨尾又嗌"mother".....(冇啦啦變左睇足球小將咁, 明明外國人都係講日語般)

真係, 一路睇.....套戲一路的唔知佢想點, 感覺唔連戲之餘, 我差點覺得自己睇緊果d"搞x鬼亡命習作"....愈睇就愈似場面大雜繒...........真係覺得......完全承接唔到頭2集.....或者已經講到果仔都咁大過啦, 可能呢套第3集已經是盜墓系列既終結, 就像rocky, rambo, indiana jones咁....未必再有下一集啩...